عارف انا مين
انا كلمة قريتها
انا نثر و شعر
و غناوي غنيتها
انا صمت بيحكي حكاوي الدنيا و حواديتها
....
فاكر انا مين
انا ذكرى نسيتها
انا نبتة ف ايدك
بالقسوة رويتها
و دي كان نفسها تطرح لك ورد و عمرك ما رضيتها
...
اقولك انا مين
انا ضحكة رأيتها
انا خطوة جريئة
يا ريتك خطيتها
انا قوة و ضعف تشوفهم سوا و ف لحظتها
.....
يمكن اكون مين
انا دنيا طويتها
انا دمعة حزينة
و ف قلبي داريتها
انا اكتر واحدة ف عز الجرح تشوف ضحكتها
بقلمي
بشرى محمد
جميلة .. ورقيقة
ردحذف