النسيان 
نعمةٌ حين نَـنْـسَى
و لوعةٌ حين نُـنْـسَى

خايف تفتح صفحة جديدة
طيب جرب
و إن ما لقيتهاش دنيا سعيدة
إوعى تقرب
و ارجع و اقفل من تاني بابك
ورقك.. قلمك هما صحابك
بس اﻷول .. جرب تفرح
تلقى لنفسك في الهنا مطرح
و إياك تجرح ..
ما انت مجرب وجع الجرح 
عمرك دوقت طعم الفرح؟

يبقى تحاول
يمكن يحصل
جايز تلقى لنفسك دنيا
غير الدنيا اللي انت عارفها
يبقى ساعتها حتندم انك
كل سنين العمر قضيتها
خايف تخرج من شرنقتك
انا عارفة اني بخوفي خنقتك
خوفت عليك انك تتالم
كان حقي أسيبك تتعلم
 
يبقى نجرب
افتح للهنا ميت شباك
خد أسباب الفرح معاك
لو ما لقيتش هناك احباب
ارجع و اقفل تاني الباب
ورقك. قلمك.. أحلى صحاب

بقلمي
بشرى محمد