و أما بعد
فبالرغم من بعد المسافة و طول السفر
اعيش بقلبي الحلم الجميل و يحلى السهر
معاك الليالي الطويلة بتقصر و ظرف ثواني بييجي السحر
و الاقيني بطير فوق جناحك و باعلى لفوق لغاية ما اطول القمر
يا رب يا قلبي بالعافية دايما و بالصحة تنعم .. و طول العمر
و أما بعد
منايا كل المنى
أشوفه متهني
و لو حتى ف هناه
حيكون بعيد عني
و اما بعد
اتيت بقلبك مقبل علي
و اشواق عينك تهفو إلي
فاغمضت عيني
لأهرب منك
و أبعد عنك
ففتحت عيني
وجدت بأني
دنوت منك
لأني
رأيتك بقلبي
و أما بعد
فتصبحون و قد دانت أمانيكم
و ذكر الله يحييكم
و هيبة ترفع مقامكمو
و نور الله يهديكم
و أما بعد
تآلفت ارواحنا برغم البعاد
و في مقلتي وضعتك
و ارخيت جفوني عليك
و اغلقت الفؤاد
ترى يا حبيبي
ستصبح نصيبي
و نزداد رحمة و نبقى الوداد
ايا قلبي المحبوس
داخل ضلوعي
آن أن تكف عن العناد
و تلقى حبيبك فتسكن وده
و ذلك هو اقصى المراد
و أما بعد
فدارت الأيام دورتها و عادت
عادت بعيد
ليس اضحى فقط
و لكن
ذكرى اول لقاء
فتلاقت العينين
فصار العيد عيدين
و أما بعد
ليالي عديدة .. قضيتها وحيدة ..
و لو سألوني اجاوب .. سعيدة
و حاسة كأني أميرة و فريدة
و لو دخلوا قلبي .. يحسوا ببرودة
و صوت صمت عالي .. بيدوي و يصرخ
وحيدة .. وحيدة
بمثل عليكم
و بخفي الحقيقة
و أما بعد
لا تسلني مالي
فربي اعلم مني بحالي
فقط دعواتك
لقلبي يهدأ و نفسي تسكن
و لا تظن بعدك يداوي ما اعاني
و اما بعد
هابي دريمز
دونت فورجيت مي
هوايل يو آر سلييبينج
آي آم أروند يو
اول ذا تايم
إيفين يو آر سلييبينج
و أما بعد
احلام سعيدة رشيقة
لا تنساني حتى في احلامك
انا ارفرف حولك و أحلق
طول الوقت
حتى و أنت نائم
و أما بعد
و هل بعد البعد (بضم الباء) بعد (بفتحها)
و هل بعد البعد بعد
اما آن للروح الغريبة ان تعد
ان تلقى روحها الظمأى فترويها
اما آن للأرض العطشى بستاني يسقيها
كفا بعدا فليس يا عمري في عمري
أياما للأشواق ابقيها
هناك أنت لكن
انفاسك تحيط بي
اسمعها و اشعر ب حر اللهفة فيها
و دمعة لحظة فراق عن عيني تداريها
و اما بعد
فمع طلعة الفجر
سأسكت عن الكلام المباح
وأرسل لك تحياتي مع عصفور الصباح
و 😘😘 مع نسمة
اول ما تهفهف على خدودك
ترد السلام
بأحلى الكلام
و رغم البعد و المسافات
محسس قلبي بوجودك
صباحي بيحلى بورودك
بتعتهالي في رسالة
بتوصلني قوام في الشات
و أما بعد
تصبح تلقى من تتمنى
و تعيش وياه و تتهنى
و العشة في وجودهم جنة
جاوب على اسئلتي و قول
مين ده المقصود .. على طول
و أما بعد
لو الكلام بيخلص
الشوق ما يخلصشي
و لو اللسان سكت
قلبي ما يسكتشي
و انا و القمر و الليل
بحكي لهم سري
و ان حد يوم يسألهم
حيقولوا ما حكتشي
و اما بعد
بعد العشا
ما احلى الكلام
و الدردشة
حلو الكلام
بيسيب في نفسك
نعنشة
و تحش انك في الهوا
طاير
كتر الهموم بتخلي قلبك
في الفضا
حاير
سيبك من الحيرة و عيش
ويا حبيب
بوجوده تحلى الفرفشة
و أما بعد
وجودك جنبي بيطمنني
و بحس اني منك و انت مني
و عمري ف يوم ابدا
ما حسيتك غريب عني
معاك ما بخافش اتكلم
و مهما اغلط تعلمني
و لو قلقانة تطمنني
انا جنبك و حواليكي
و ساندك و ايدي في ايديكي
الهي ما اتحرم منك
في دنيا و جنة ترافقني
و أما بعد
و رغم البعد
و رغم البعد و المسافات
تتوق النفس لما هو آت
نعيش العمر احبابا
و كما قالوا في الاغنيات
كم أخشى .. غدي هذا و ارجوه اقترابا
و أما بعد
مش قلت لك نقفل بابنا و بلاش حواديت
لا عمري كان ليا حكاية و لا ف يوم حبيت
و فضلت اشرح و افهم فيك و لا مليت
جدع سمارة غمز لك بكلام و حديث
و بسرعة صدقت كلامه و ف لحظة نويت
تعيش حكاية انت بطلها و عالحب جريت
و اما بعد
قلبي زمان كان عاقل جدا
قبل ما أحبك جدا جدا
كان راسي و لا حد يهزه
لغاية قلبك ما غواه و وزه
علمه ألف باء الحب
نساه الهندسة و الطب
و رجعتوا اطفال في الروضة
و عرفنا الاشعار و الموضة
و اما بعد
فيكفي ما دار
بيننا من حوار
نعيد قراءته بدل المرة
مرار
فننعم بحالة من الانسجام
نسبح فيها
في بحور الهيام
فنصحو و نحن
مشتبكين الأيدي و المشاعر
و أما بعد
اشتقت اليك
و كيف لمثلك لا أشتاق
اشتقت لقربك
و لقلبك
بعناق او دون عناق
اتراك يا عمري
و لقلبي أيضا مشتاق؟
اظلمت الدنيا في بعدك
فهل آن لشمسك إشراق
فسلاما من قلبي و شوقا
حتى ألقاك
و أما بعد
بحبك عمر ضاع مني
و احبك لو بعيد عني
و احبك وردة في ايديا
و احبك نور ملا عينيا
و احبك لحن اغنية
و احبك لمسة بحنية
و احبك زي نسمة صيف
و احبك لو تكون طيف
و أحبك زهر بستاني
و لولي ف طرف فستاني
و أما بعد
فأني يا قلبي
بشوفك بقلبي
و عارف يا قلبي
بحسك بقلبي
و دايما يا قلبي
بحايل في قلبي
و اقوله يا قلبي
نجرب نخبي
القاني يا قلبي
بحبك بقلبي
و ما اقدرش اداري
لشوقي و حبي
و أما بعد
فبعد القلوب
هو البعد
و هجر القلوب
هو الهجر
و قلبي يراك
و دايما معاك
في صبحه و ليله
بيلهث وراك
و أما بعد
يا رب تعيش و تدعيلي
و جودك دا بيطمنني
الهي السعد خدامك
و سكك تتفتح قدامك
و ربي يرفع مقامك
و اسعد قلبك و يسعدني
و أما بعد
يا رب اجعلني وش السعد
و فرح قلبه و عيونه
و حقق ما عاهدناه من وعد
و اما بعد
يا رب اجعله راضي
و انسى معاه جروح الماضي
و لو يقوللي مش فاضي
ادب خناقة و ارعد رعد
و أما بعد
نسجت الحب خيوطا لأجلك
رفعت الأكف دعاءا لأجلك
فرشت القلب ورودا لأجلك
نثرت الذكرى عبيرا لأجلك
فيا عمري تعالى تعالى
فإني ترهبنت سنينا لأجلك
و اما بعد
فقد عملوا للحب يوم
و اني احبك كل يوم
حددوا للحب عيد
و لقائنا اجمل عيد
فعيد الحب يا حبي
هو يوم اراك فيه سعيد
و أما بعد
لعلي سماء
تظلك
لعلي أرض
تضمك
لعلي نسيم
يهفهف عليك
لعلي نشيد
كتبته اليك
و اما بعد
فيسعد صباحك و يسعد مساك
و اكون معاك
و يبقى منايا اروحلك هناك
و افضل معاك
و نفسي يا روحي في لحظة لقاك
و اكمل معاك
و اما بعد
في القلب حتة وجع
نفسه يجيله جدع
يمسح دموع عينه
و يدلعه أخر دلع
و أما بعد
بحب ابتسامك
و بعشق كلامك
و احب اللي منك
و احب اللي حبك
و اقولك كمان
بحب ابتسامتك
و بعشق وسامتك
و احب الي شافك
و احب اللي عارفك
و اقولك كمان
بحبك حكاية
و احبك معايا
و احبك في يومك
و احبك في نومك
و اقولك كمان
بحبك بحبك
بحبك في قربك
و احبك في بعدك
و مهما تطول
ما بينا المسافة
ححبك كمان
و أما بعد
بحبك ساعات
و اشتقلك ساعات
و احلم بك ساعات
و اتكلم معاك ساعات بالساعات
و مرة تلاقيني بحب السكات
و نفسي اكون لك زينة البنات
و ارجع و افكر في عمري اللي فات
و اقعد افكر كتير بالساعات
في يوم بكرة ييجي و اقابلك ساعات
و تبعد شهور و تبعد سنين
و ترجع ساعات
و أما بعد
يا شمس طلي بقى و نوري حياتي
دا الليل طويل و السهرأرقني ليلاتي
نفسي أنسى اللي مضى و استقبل الآتي
يا شمس اما تطلبتهل بالفرحة
تنسج لي من خيوطها فستاني و الطرحة
في كل فجر يأذن حقف مستنظرة
أشوف شمس الهنا ساطعة و منورة
حتشرقي و تلالي حياتي يا هل ترى
و الا حتبخلي على قلبي بالفرحة
و اما بعد
يا عبير الزهر روحي و خبريه
أيوة .. روحي و خبريه
ان قلبي قضى ليله بيناجيه
و ف دعائه بيدعي ربه و يناجيه
يسعده و يصلح حاله و يراضيه
يا نسيم البحر روح له و احكي ليه
روح و قول له ان قلبي مشتاق اليه
طمنه عني و عن احساسي بيه
احكي كل ما تعرفه عن شوقي ليه
و اوعاك تخبي لهفتي و خوفي عليه
يا عصافير الكناريا غرديله و سمعيه
سمعيه همس انفاسي و ونسيه
وسط غربة هو عايش نفسي اطير
و اوصل اليه
و اشوف بعيني اشتياق قلبه و عينيه
و اما بعد
و ماذا اصعب من البعد
ففي البعد شوق
و في البعد لوعة
و عبر الزمان
و قبل الاوان
ناديتك تعالى
تضيئ الشموع
شموع اللقاء
بليل الصفاء
و فتحت عيني
وجدت بأني
امسك شمعة
و اخشى يدي أن تحترق
ترى يا حبيبي
ماذا حرقها
نار الشموع
ام نار الفراق
