على إسم مصر التاريخ
بيحضر الشنطة
ناوي يفارقنا
خايف تجيله جلطة

مسك التاريخ القلم
ما عِرِفْش يكتب إيه
دا الكذب و الافترا
شافهم بأم عينيه
صدق اللي قال دا الغبي
بيكرر الغلطة
صرخ التاريخ صرخه
و قال بلاش مسخرة
زّعَّق
يا خَلْق افهموا
ازاي حتمشوا لـ ورا
شطب اللي كتبه
و قال
صفحتكوا دي مغَبَّرَة
من دولة الخناشير
لدولة الطراطير
انا آخري كدة معاهم
و احترت وياهم
ماشيين تشوفهم نيام
و لا حسوا بالورطة
حتى التاريخ اشتكى
من ناس في غيبوبة
دولام تمامهم رغيف
اسمر و أنبوبة
بالعربي و المختصر
آدي حكاية شعب
إن جه في يوم و إنتفض
انه يكمل صعب
..
بقلمي
بشرى محمد