أنا القلب اللي عاش عمره 
 أسير لتجربة مُـَّرَّة
و كان راضي يعيش فاضي
و لا إنُّه ينجرح مـَرَّة

و قلت يا قلبي نستَـنَّـا
 فارس يِـدُق أبوابك
و ييجي يوم و نِـتْـهَنَّـا
و تُسْكُن قلب أحبابك

برئ قلبي و صَـدَّقْـنِي
و راح مِدِّيني مفتاحه
و قعد في الضِل مستني
ليوم جاينا بأفراحه

و كل ما يطلب المفتاح
أقوله بلاش تِرَجَّـعنا
لأحزاننا و أوجاعنا
مسير فيه قصة تحيينا 
ويبقى العُمر لِـيه معنى

بقالنا كتير انا و قلبي 
بنتفاوض على المفتاح
يقوللي إدينا فرصة كمان 
و انا مش عايزة تاني جراح


تعبت من المناكفة معاه
و هو كمان تعب مني
سنين فاتت وراها سنين
و قلبي لسة مستني 

Bushraaa